Mae’r rhaglen, a ddatblygwyd mewn cydweithrediad â phartneriaid proffesiynol, yn rhoi gwybodaeth, sgiliau a hyder i chi ymarfer arweinyddiaeth o fewn eich maes arbenigedd o gaplaniaeth. Bydd astudio ym Mhadarn Sant yn ehangu'r elfennau damcaniaethol ac ymarferol o’ch gwaith. Byddwch yn cwblhau asesiadau wedi eu llunio i ehangu eich effeithlondeb broffesiynol.
Ym Mhadarn Sant, rydym yn cynnig dysgu wedi sy’n ffocysu are ich arbenigedd chi. Byddwch yn astudio mwyafrif y modiwlau gyda’ch cymheiriaid sy’n gweithio yn yr un maes. Bydd eich dysgu hefyd yn cael ei gyfoethogi wrth astudio ochr yn ochr â chaplaniaid sy'n gwasanaethu mewn meysydd amrywiol megis iechyd, milwrol, carchardai, addysg a chwaraeon. Rydym yn falch iawn ein bod wedi cadw cytundeb y Weinyddiaeth Amddiffyn ers 1999 i hyfforddi caplaniaid milwrol a hefyd yn gweithio gydag amryw sefydliad gofal iechyd ar draws y D.U. Mae Athrofa Padarn Sant wedi ei achredu gan Fwrdd Caplaniaeth Gofal Iechyd y D.U. yn ddarparwr hyfforddi wedi ei gymeradwyo, i fyfyrwyr sy’n edrych i gael cofrestriad proffesiynol.
O gofio’n 23 mlynedd o brofiad o baratoi caplaniaid o bob rhan o'r Deyrnas Unedig a thu hwnt, mae digon o resymau da dros ymuno â ni yn Athrofa Padarn Sant.
Mae rhaglen Astudiaethau Caplaniaeth Padarn Sant yn canolbwyntio ar ddarparu datblygiad proffesiynol parhaus i gaplaniaid, ond gall fod yn addas i eraill hefyd.
Gwybodaeth i Ddysgwyr
I ateb anghenion gweithwyr proffesiynol, fe gyflwynir yr addysgu mewn pedwar bloc dwys bob blwyddyn. Mae cyfnodau preswyl yn cael eu cynnal ddydd Llun i Fercher ar ein safle yng Nghaerdydd lle mae llyfrgell health ac ystafelloedd addysgu priodol.
Rydym yn cydnabod gwerth dysgu cymysg ac ar-lein ond o brofiad, yn enwedig yn ystod COVID, mae’r dystiolaeth yn dangos mae’r rhan fwyaf yn ffafrio astudio ochr yn ochr ag eraill mewn Cymuned breswyl.
Mae croeso i chi addoli ag aelodau eraill ein coleg diwinyddol yn ein capel. Mae ein llety en-suite wedi eu creu yn bwrpasol.
Mae myfyrwyr y drydedd flwyddyn yn cael eu hannog i fynychu cyfnodau preswyl fel aelod o’r gymuned ddysgu a gweithio ar eu traethawd hir a chael mynediad i’r llyfrgell ac i staff addysgu.
Modiwlau
Byw yn y Weinidogaeth Gyhoeddus
Gall cynrychioli cymuned ffydd a gwneud hynny'n llwyddiannus fod yn her. Bydd y modiwl hwn yn eich helpu i fynd i'r afael â dealltwriaeth ddyfnach o'n ffurfiant a'n diben. Bydd yn eich paratoi ar gyfer mwy o arweiniad yn eich sefydliad ac yn dangos posibiliadau ichi ar gyfer caplaniaeth nad ydych efallai wedi'u hystyried.
Materion moesol ym maes Caplaniaeth
Bydd myfyrwyr sy'n dymuno astudio Tystysgrif Ôl-radd yn medru dewis gwneud Modiwl Ymarfer Myfyriol yn lle'r Modiwl Ymchwil a Myfyrio. A chithau’n gaplan, rydych yn treulio llawer o'ch diwrnod yn gwneud penderfyniadau anodd. Bydd hyfforddiant ôl-raddedig mewn moeseg yn miniogi’ch gwaith meddwl, yn rhoi hwb i'ch hyder, ac yn eich galluogi i ddeall safbwyntiau’ch cydweithwyr. Mae'r modiwl hwn yn archwilio ffynonellau syniadau moesegol a dulliau moesegol. Cewch gyfle i ymchwilio i fater yng nghyd-destun eich sefydliad, eich ffydd a’ch cymdeithas chi.
Ymchwil a Myfyrio - Adnoddau a Dulliau
Gan ddarparu sylfaen mewn ymchwil, mae'r modiwl hwn yn cyflwyno rhai o'r sgiliau astudio y bydd arnoch eu hangen i astudio ar lefel fwy datblygedig. Bydd yn eich helpu i lunio cynnig ymchwil ac yn gwneud synnwyr o sut mae ymchwil yn llywio polisïau ac arferion. (Mae'n ddewisol i'r rhai sydd ar y Dystysgrif)!
Caplaniaeth mewn cyd-destun sefydliadol
Mae lleoliadau caplaniaeth heddiw yn newid yn gyflym ac yn gofyn ymatebion hyblyg. Bydd y modiwl hwn nid yn unig yn cyflwyno dulliau amrywiol o gaplaniaeth ond yn gwerthuso’u cryfderau a'u rhagdybiaethau sylfaenol. Mae'n beirniadu caplaniaeth yn ei chyd-destun ehangach o globaleiddio, amrywiaeth ac anghydraddoldeb. Bydd yn eich paratoi i ddefnyddio adnoddau diwinyddiaeth ymarferol ar y rheng flaen
Perthnasoedd a Rheolaeth Emosiynol mewn Gweinidogaeth
Rydyn ni am wneud popeth posibl i'ch galluogi i ymarfer yn ddiogel ac yn effeithiol. Gwnawn hyn drwy ystyried materion sy'n ymwneud â straen mewn gweinidogaeth, gwydnwch ac arferion diogel. Byddwn yn rhoi offer ichi i archwilio'r pwnc. Yna, byddwch yn trafod yr hyn rydych chi am ysgrifennu amdano'n fanylach. Dyma gyfle gwych i rannu profiadau o gaplaniaeth gydag eraill.
Caplaniaeth a Chenhadaeth Gristnogol
Nid mater syml bob amser yw gwneud synnwyr o'n perthynas â'r eglwys sy’n ein hanfon (neu’n cymuned ffydd arall) a'n rôl mewn caplaniaeth. Bydd y modiwl hwn yn rhoi cyfle ichi ddyfnhau’ch dealltwriaeth o wreiddiau hanesyddol caplaniaeth, a'i pherthynas â diwinyddiaeth a diwylliant. Bydd yn eich helpu i fyfyrio'n feirniadol ar eich rôl.
Os ydych yn perthyn i ffydd arall neu dim un o gwbl, mae croeso i chi gysylltu â ni fel ein bod yn medru drafod ymhellach.
Traethawd hir mewn Astudiaethau Caplaniaeth (MA yn unig)
Mae'r modiwl triphlyg hwn yn gyfle ichi brofi bod yn ymchwilydd. Gyda chymorth goruchwylydd, byddwch yn cytuno ar bwnc. Yna cewch gyfle i lywio llyfrgelloedd ymchwil a phwyllgorau moeseg cyn gweithio gyda chyfranogwyr. Bydd eich traethawd hir 15,000 o eiriau yn rhywbeth gwerth yr ymdrech! Os gwnewch chi’n dda, fe allai fod yn gam cyntaf tuag at MPhil neu Ddoethuriaeth!
Bydd eich dysgu yn cael ei hasesu drwy ddefnyddio amrywiaeth o ddulliau. Y nod gyda’r rhain ydy eich paratoi ar gyfer astudiaethau academaidd pellach a’ch galluogi chi I fod yn effeithiol yn y gweithle. Maen nhw’n cynnwys aseiniadau, paratoi adnoddau i eraill, llunio tystiolaeth a myfyrio diwinyddol ar eich profiad o’r gweithle.
Mae costau llety yn gael eu codi ar wahân ac yn costio £180 bob cyfnod preswyl, sy’n cynnwys pob pryd bwyd
Cyfnodau Preswyl
Tachwedd 2022 Dydd Llun 21 – Dydd Mercher 23
Chwefror 2023 Dydd LLun 13 – Dydd Mercher 15
Ebrill 2023 Dydd Llun 24 – Dydd Mercher 26
Medi 2023 Dydd Llun 11- Dydd Mercher 13
Tachwedd 2023 Dydd Llun 20 – Dydd Mercher 22
Chwefror 2024 Dydd Llun 12 – Dydd Mercher 14
Ebrill 2024 Dydd Llun 22 – Dydd Mercher 24
Mae cefnogi dysgwyr wrth wraidd ein hymarfer, o’r cyswllt cyntaf tan raddio. Mae ein tîm cyfeillgar ar ddiwedd y ffôn, neges e-bost ac eisiau eich bod yn llwyddo yn academaidd, ond hefyd ffynnu yn ystod eich cyfnod gyda ni. Mae ein tîm Cymorth Dysgu wrthlaw i gynghori myfyrwyr sydd ag anghenion dysgu ychwanegol
Rydym yn awyddus bod pawb sy’n astudio ar ein rhaglenni Astudiaethau Caplaniaeth yn mwynhau ei cyfnod ym Mhadarn Sant. Rydym yn gobeithio y byddwch yn profi parch, gostyngeiddrwydd a chroeso. Er mwyn eich helpu i benderfynu os ydych yn hapus I astudio gyda ni, gellir gweld fwy o wybodaeth yn ein Polisi Cydraddoldeb ac Amrywiaeth
Byddwch yn astudio gyda caplaniaid proffesiynol sydd yn naturiol yn dueddol o fod yn groesawgar a pharchus o amrywiaeth farn. Yn yr un modd rydym yn cyflogi staff sy'n adlewyrchu amrywiaeth ein hardal leol.
Serch hynny mae yna rhai elfennau nodweddiadol Gristnogol i’r rhaglen na fydd at ddant pawb:
Bydd tiwtoraid yn dechrau a gorffen darlithoedd gyda gweddi Gristnogol byr (gall fod yn ffurfiol neu’n anffurfiol)
Bydd rhan fwyaf o fyfyrwyr yn weinidogion Cristnogol ac yn naturiol fellly byddan nhw’n mynegi ei huanin mewn iaith Gristnogol ac yn defnyddio enghreifftiau o weinidogaeth Gristnogol
Fe welir integrieddiad yn rhan o fywyd, gwaith a ffydd ac ni fydd ffiniau lle bydd ffydd yn cael ei drafod mewn un ystafell ac nid y llall
Bydd amser yn cael ei hamserlenni I’r rheiny sydd yn dymuno cymryd rhan mewn gweddi boreol / hywrol neu’r Cymun.
Os ydych yn rhan o ffydd arall neu dim ffydd penodol cysylltwch â ni I drafod sut gallwn gefnogi eich dysgu.
Rydym yn mawr obeithio y byddwch yn mwynhau astudio gyda ni. Rydym yn croesawu sgyrsiau anffurfiol, drwy Zoom, Teams, ffôn neu wyneb yn wyneb.
Mae;n tim tiwtorad yn cynnwys amrywiaeth o ymarferwyr uwch ac academyddion wedi eu dewis yn briodol. Gweler Staff Tiwtora a’r Tim Gweithredol yma Staff Tiwtora, Tiwtoriaid CysylltiolTim Gweithredol
Ffioedd
Mae ffioedd y cwrs yn cael eu rhannu ar draws y 3 mlynedd. I fyfyrwyr sy’n dechrau eu hastudiaethau yn 2023 y canlynol fydd y ffioedd
Cymhwyster
Blwyddyn 1
Blwyddyn 2
Blwyddyn 3
PGCert
£3640
Ddim yn berthnasol
Ddim yn berthnasol
PGDip
£3640
£3640
Ddim yn berthnasol
MA
£3640
£3640
£1040
Mae’n bosib y bydd myfyrwyr yn gymwys ar gyfer benthyciadau /grantiau ôl-radd drwy Gyllid Myfyrwyr. I ddod o hyd i fwy o wybodaeth cysylltwch â Chyllid Myfyrwyr ar gyfer y wlad rydych yn byw:
Mae’r rhaglen ar hyn o bryd yn mynd drwy broses dynodi cwrs er mwyn galluogi myfyrwyr i fod yn gymwys ar gyfer Cyllid i Fyfyrwyr.
Mae cefnogi dysgwyr wrth wraidd ein ymarfer, o’r cyswllt cyntaf tan graddio. Mae ein tîm cyfeillgar ar ddiwedd y ffôn, neges e-bost ac eisiau eich bod yn llwydo yn academaidd, ond hefyd ffynnu yn ystod eich cyfnod gyda ni. Mae ein tîm Cymorth Dysgu wrthlaw i gynghori myfyrwyr sydd ag anghenion dysgu ychwanegol
Sut i wneud cais
Y meini prawf mynediad arferol yw gradd 2:1 gyda dwy flynedd o brofiad o gaplaniaeth neu radd 2:2 gyda phrofiad proffesiynol sylweddol. Os nad ydych yn bodloni'r meini prawf hyn, cysylltwch â ni i drafod yr opsiynau sydd ar gael ichi.
Diwedd mis Gorffennaf yw’r dyddiad cau ar gyfer ceisiadau.
