BTh (Anrhydedd) Diwinyddiaeth ar gyfer Disgyblaeth, Gweinidogaeth a Chenhadaeth
Gwybodaeth i ymgeiswyr
Mae’r BTh a elwir hefyd yn Ddiwinyddiaeth ar Gyfer Bywyd, yn gwrs academaidd sydd yn medru dy helpu i gysylltu dy ffydd â dy fywyd bob dydd. Mae'n gwrs achrededig mewn Diwinyddiaeth, wedi'i ddarparu gan Athrofa Padarn Sant ar gyfer yr Eglwys yng Nghymru. Dilysir gan Brifysgol Cymru Y Drindod Dewi Sant. Trwy ddilyn y cwrs, ac ysgrifennu'r aseiniadau, mae’n bosib derbyn tystysgrif mewn dwy flynedd, diploma mewn pedair blynedd neu radd mewn chwe blynedd mewn Diwinyddiaeth.
Mae pob modiwl yn dechrau gyda sesiwn ragarweiniol ar-lein wedi ei arwain gan arbenigwr ar y pwnc ar Zoom. Yna byddi’n cyfarfod mewn grŵp naill ai'n lleol neu ar-lein am wyth sesiwn, i drafod deunyddiau dysgu y bydd yr arbenigwr pwnc wedi'u paratoi ar eich cyfer. Mae’r holl ddeunydd hwn ar-lein. Yn ystod y tymor byddwch hefyd yn cyfarfod ag eraill yn eich ardal ar gyfer seminar canol y tymor. Ar ddiwedd y modiwl, byddi di’n ysgrifennu aseiniad. Am y ddwy flynedd olaf (lefel 6) mae'r cwrs yn cael ei gynnal ar noson yn ystod yr wythnos ar Zoom (nos Iau ar hyn o bryd).
Gwyliwch y fideo isod i ddarganfod mwy am y cwrs:
Gweld manylion Cwrs Blasu - Diwinyddiaeth ar gyfer Bywyd fan hyn
Cwestiynau Cyffredin
Mae'r BTh (Diwinyddiaeth ar Gyfer Bywyd) yn briodol ar gyfer unrhyw un sydd eisiau dyfnhau eu ffydd a dysgu mwy am ddiwinyddiaeth. Bydd angen i ti fod yn weddol hyderus wrth ddefnyddio cyfrifiadur a'r rhyngrwyd. Bydd angen i ti hefyd fod yn rhywun a fyddai’n elwa o feddwl am ffydd yn fwy ‘academaidd’ h.y. rwyt yn mwynhau trafod syniadau ag eraill ac yn barod i gael dy herio drwy ddarllen a meddwl yn eang.
Dyma rhai o gwestiynau i ti eu hystyried:
Oes gen i'r amser?
Ydw i'n barod i archwilio fy nghredoau yn ddwfn, a gofyn cwestiynau anodd?
Ydw i'n barod i wrando ar bobl eraill ac ystyried safbwyntiau gwahanol?
Ydw i eisiau dysgu? Ydw i’n barod i ddysgu?
Hyd yn oed os ydw i'n nerfus, ydw i'n barod i ddysgu sut i ysgrifennu'n academaidd - bod yn gritigol (critical) yn y ffordd iawn, datblygu dadl, mwynhau fy narllen ac ysgrifennu?
Ydw i'n gyffyrddus yn defnyddio cyfrifiadur, yn defnyddio'r rhyngrwyd, yn darllen e-lyfrau ac yn cyflwyno gwaith ar- lein?
Er mai Saesneg yw iaith y darlithoedd a’r deunydd, mae’n bosib cyflwyno'r aseiniadau yn Gymraeg. Mae nifer o’r tiwtoriaid yn rhugl yn yr iaith, ac eraill yn dysgu Cymraeg. Mae’n bosib i ti gael tiwtor personol sy'n siarad Cymraeg.
Dim ond y rhai sydd wedi eu derbyn yn ffurfiol ar gyfer hyfforddiant gweinidogaeth gyda’r Eglwys yng Nghymru ac a noddir gan eu hesgob all ddilyn y cwrs yn llawn amser.
Medri. Os wyt ti mewn proses ffurfiol gyda'r Eglwys yng Nghymru neu ar fin cychwyn, siarada â dy Gyfarwyddwr Galwedigaethau. Cofia, fodd bynnag, mai dim ond un rhan o'r hyfforddiant ar gyfer gweinidogaeth yw hon. Mae mwy i hyfforddiant ar gyfer y weinidogaeth na dysgu diwinyddol academaidd. Am fwy o wybodaeth, edrycha ar y rhan o’r wefan yma sy’n rhoi mwy o wybodaeth am Ffurfiant ar Gyfer y Weinidogaeth Drwyddedig. Fel rheol, hyd yn oed os wyt ti wedi bod yn astudio Diwinyddiaeth ar Gyfer Bywyd (y BTh) am gyfnod, bydd angen i ti gyrraedd y lefel nesaf o gymhwyster pan fyddi’n dechrau hyfforddi ar gyfer y weinidogaeth.
Gwych! Siarada â dy offeiriad er mwyn iddi / iddo fedru dy gefnogi a’th gynghori ynglŷn â’r camau nesaf.
Mae llawer o bobl yn teimlo fel hyn wrth iddynt ddechrau'r cwrs. Rydym yn cynnal seminarau sgiliau astudio bob blwyddyn ar ddechrau'r cwrs i’ch helpu. Gallwn hefyd awgrymu adnoddau, fideos a llyfrau a allai fod o gymorth. Yn olaf, bydd dy diwtor personol ar gael i dy helpu.
Oes. Os wyt o dan 21 oed, dylai fod gennyt o leiaf 64 Pwynt Tariff UCAS (e.e. Dau D ac E ar Lefel A neu gyfwerth). Fodd bynnag, mae'r rhan fwyaf o'n myfyrwyr dros 21 oed ac yna rydym yn ystyried dy brofiad a dy ymrwymiad i'r cwrs. Gellir dod o hyd i'n polisi derbyn trwy glicio ar y botwm polisïau ar waelod y dudalen.
Y ffi ar gyfer y cwrs yw £120.00 ar gyfer blwyddyn academaidd 2021/2022.Bydd Ffioedd ar gyfer blwyddyn academaidd 2022/23 ar gael yn fuan. Bydd Swyddfa Genedlaethol yr Eglwys yng Nghymru yn anfon anfoneb a medri sefydlu cynllun talu i ledaenu'r gost. Os yw talu yn broblem, rho wybod i dy diwtor ac efallai y gallwn ni helpu.
Mae gan bob modiwl oddeutu 2 awr o gyswllt yr wythnos mewn grŵp (am wyth sesiwn y tymor), rydym hefyd yn disgwyl 2.5+ awr yr wythnos o hunan-astudio. Mae yna hefyd ddwy sesiwn dwy awr mewn grwpiau mwy (un ar-lein ac un eithaf lleol) y tymor. Bydd angen amser arnat hefyd i ysgrifennu'r aseiniadau. Mae pob modiwl yn cymryd tua 200 awr o addysgu a hunan-astudio i'w gwblhau.
Gallwn dy helpu i gael diagnosis a chael gafael ar gefnogaeth. Rho wybod i ni yn gynnar a gallwn ddechrau gweithio gyda thi i gael y gefnogaeth y gallai fod ei hangen arnat. Gallai help gynnwys gwneud cais am y Lwfans Myfyrwyr Anabl i'th alluogi i brynu offer neu gael gafael ar gymorth pellach.
Gad inni wybod yn gynnar ac efallai y gallwn weithio gyda thi er mwyn i'r Brifysgol gydnabod rhywfaint o'th ddysgu blaenorol.
Siarad â dy offeiriad. Efallai y bydd dy eglwys yn rhedeg grwpiau lleol y medri ymuno â nhw. Mae gan lawer o eglwysi grwpiau astudio beiblaidd, mae rhai yn cynnal cyrsiau fel Alffa i helpu pobl i ddysgu mwy am y ffydd Gristnogol. Mae gennym ni gyrsiau eraill hefyd - edrycha ar ein gwefan. Dau o ddiddordeb efallai yw Dysgu i Dyfu a Byw fel yr Iesu. (Lincs?) Mae’r ddau ar gael yn y Gymraeg ac yn ddwyieithog.
Ymrestru
I weld cytundeb ymrestru myfyriwr Prifysgol y Drindod Dewi Sant cliciwch yma
Cynnwys y Cwrs
Mae'r cwrs yn agel ei rhannu i 3 lefel, mae pob lefel yn cymryd 2 flynedd i gwblhau. Bydd midiwlau Blwyddyn B yn cael eu cyflwyno yn 2021/2022 a modiwlau Blwyddyn A yn 2022/2023
Dim ond y rheiny sydd wedi eu noddi gan eu Esgob i wneud hyfforddianr llawn amser ar gyfer y weinidogaeth drwyddedig all astudio'r cwrs yn llawn amser.
Y Modiwlau ar gyfer 2021/22 ydy:
LEFEL 4 BLWYDDYN A
LEFEL 4 BLWYDDYN B
LEFEL 5 BLWYDDYN A
LEFEL 5 BLWYDDYN B
LEFEL 6 - LEFEL GRADD- BLWYDDYN A
LEFEL 6- LEFEL GRADD BLWYDDYN B
Cyflwyno Athrawiaeth Gristnogol
Cyflwyno Addoliad Anglicanaidd
Archwilio Dehongli Beiblaidd
Archwilio Dull Ganonaidd o Ddarllen yr Ysgrythur
Ymgysylltu Arweinyddiaeth Gristnogol a'r Beibl
Ymgysylltu Cristoleg o'r Testament Newydd a'r Credoau
Cyflwyno’r Hen Destament
Cyflwyno'r Testament Newydd
Archwilio Cristonogaeth yng Nghymru: Y Gorffennol, Presenneol a'r Dyfodol
Archwilio Athrawiaeth Gristnogol
Ymgysylltu Ymarfer Bugeiliol a Seicoleg
Ymgysylltu Diwinyddiaeth Dwylliant Gyfoes
Cyflwynp Cenhadaeth Gristnogol
Cyflwyno Diwinyddiaeth Ymarferol
Archwilio Meddwl Moesegol Cristnogol heddiw
Archwilio Eglwys Genhadol
Ymgysylltu Diwinyddiaeth Sacramentaidd a Chenhadaeth
Ymgysylltu Apolgeteg a Gwyddoniaeth
Bydd myfyrwyr sydd yn cwblhau lefel 4 yn ennill Tystystgrif mewn Diwnyddiaeth a Disgyblaeth o Brifysgol Cymru y Drindod Dewi Sant. Bydd myfyrwyr sy'n cwblhau lefel 5 yn ennill Diploma a chwblhau lefel 6 yn ennill gradd BTh.
Trafodwch gyda ni mor gynnar yn y broses a phosib os ydych wedi astudio Diwinyddiaeth yn academaidd yn flaenorol, gan ei fod yn bosib y fedrwch ddechrau'r cwrs ar lefel Diploma.
Ffioedd y cwrs ar gyfer Blwyddyn Academaidd 2020/2021 yw £120 y flwyddyn. Ceir anfoneb gan y Corff Cynrychiolwyr am gostau'r cwrs. Gellir gwneud trefniadau am gynllun talu i wasgaru'r gost.
Cyfnod Sefydlu ar y Cwrs
Mae Athrofa Padarn Sant yn cynnig y cyfle i ddarpar myfyrwyr i gymryd rhan mewn cwrs sefydlu i gyfwyno themâu allweddol, syniadau a ffyrdd o ddysgu mewn amgylchedd anffurfiol a chefnogol.
Am fwy o wybodaeth ac i ddangos diddordeb yn y cwrs cysylltwch:
