Ffocws Cyfraith Ganonaidd

Mae'r gradd meistr MA Diwinyddiaethm Gweinidogaeth a Chenhadaeth wedi ei ddilysu gan Brifysgol Durham. Mae'r cwrs hwn yn ffocws o fewn y rhaglen hynny ac mae'r modiwlau wedi eu teilwra yn benodol i Ymarferwyr Cyfraith Ganonaidd. Dyma'r unig rhaglen Cyfraith Ganonaidd ôl-raddedig â ffocws Anglicanaidd a gynigir unrhyw le yn y byd. Dilysir y cwrs gan Brifysgol Durham drwy'r bartneriaeth Dyfarniadau Cyffredin.( Common Awards) Mae’r rhaglen yn addas ar gyfer clerigwyr, cyfreithwyr, gweinyddwyr eglwysi ac eraill sy’n dymuno datblygu eu gweinidogaeth neu ymarfer proffesiynol ym maes cyfraith ganonaidd, neu ddyfnhau eu dealltwriaeth o’r ffordd y mae cymunedau’r eglwys yn cael eu rheoleiddio. Er mai prif ffocws yr addysgu yw’r gyfraith ganonaidd Anglicanaidd, darperir hyn ochr yn ochr ag elfen gymharol, ac anogir myfyrwyr sy’n dymuno ysgrifennu am gyfraith eglwysi yn eu traethodau a’u traethawd hir a asesir i wneud hynny.

Rydym yn rhan o Athrofa Padarn Sant, cangen hyfforddi’r Eglwys yng Nghymru. O dan y datganiad ‘ffurfiant mewn cymuned ar gyfer cenhadaeth’, mae Athrofa Padarn Sant yn rhoi’r gallu a’r grym i bobl Dduw ledled y byd i gyfathrebu cariad trawsffurfiol Duw. Mae Athrofa Padarn Sant fel safle wedi addysgu’r gyfraith ganonaidd am dros dri degawd, a bellach gall gynnig cyfraith ganonaidd fel arbenigedd mewnol. Rydym yn croesawu myfyrwyr o unrhyw ffydd neu gred, neu’r rhai nad os ganddynt ffydd neu gred.

Er mwyn diwallu anghenion gweithwyr proffesiynol, mae’r addysgu’n cael ei ddarparu mewn tri bloc dwys bob blwyddyn. Mae’r cyrsiau preswyl yn cael eu cynnal o nos Sul hyd at ganol y dydd ar ddydd Mercher ar ein safle yng Nghaerdydd lle mae gennym lyfrgell helaeth ac ystafelloedd addysgu â chyfarpar da. Mae ein llety en-suite yn fodern ac wedi’i adeiladu’n bwrpasol. Caiff prydau eu coginio’n ffres ar y safle, ac rydym yn darparu ar gyfer gofynion deietegol arbennig.

Ar gyfer y rhai sy’n dymuno manteisio ar y cyfle, cynigir addoliad cyhoeddus bob dydd yng Nghadeirlan Llandaf, sy’n llai na phum munud o waith cerdded o Athrofa Padarn Sant. Yn ogystal â’n hystafell gyffredin gyfforddus, efallai yr hoffech grwydro o amgylch y siopau, y caffis, y tafarndai a’r llwybrau glan-yr-afon cyfagos.

Yn y rhaglen feistr, mae’r myfyrwyr yn astudio tri modiwl y flwyddyn am ddwy flynedd, ac yna bydd blwyddyn ar gyfer ysgrifennu’r traethawd hir. Yn ystod y tair blynedd, anogir y myfyrwyr i fynychu cyrsiau preswyl fel aelodau o’n cymuned ddysgu a gweithio ar eu traethawd hir gyda mynediad at y llyfrgell, a staff addysgu.

Er mwyn cael yr MA, rhaid i fyfyrwyr gwblhau chwe modiwl a addysgir, chwe thraethawd 6,000 o eiriau, a thraethawd hir 15,000 o eiriau.

Bydd costau llety yn ychwanegol i'ch ffioedd ac yn £180 i bob cyfnod preswyl , ac yn cynnwys llety a bwyd.

Y dyddiad cau ar gyfer ceisiadau yw diwedd mis Gorffennaf. Y maen prawf mynediad arferol yw gradd 2:1 yn diwinyddiaeth, neu bwnc cysylltiedig, neu radd 2:2 gyda phrofiad proffesiynol sylweddol. Os nad ydych yn bodloni’r meini prawf hyn, cysylltwch â ni i drafod yr opsiynau sydd ar gael i chi. Cysylltwch â ni i gael ffurflen gais.

Gallwch weld Pamffled fan hyn

Ceisiadau gan Fyfyrwyr o dramor

Nid oes gan Athrofa Padarn Sant drwydded Haen 4 sydd yn galluogi ni i noddi myfyrwyr o dramor i symud i’r DU i astudio. Serch hyn, gan fod dysgu wyneb yn wyneb ar y rhaglen MA yn cynnwys 3 cyfnod preswyl byr bob blwyddyn, os yw myfyrwyr o tu allan i’r DU yn medru mynychu’r cyfnodau preswyl ar fisa ymwelydd, byddan nhw yn cael eu hystyried ar gyfer mynediad i’r rhaglen MA. Mae cael myfyrwyr o dramor yn golygu fwy o waith gweinyddu i Athrofa Padarn Sant ac am y rheswm hynny, mae yna gost o £500 y flwyddyn i bob myfyriwr heb ganiatâd i aros yn y DU.