Parch Ddr Mark Griffiths YH
Bûm yn arweinydd eglwys leol am 30 mlynedd – yn Esgobaeth Rhydychen yn bennaf – gan ddal swyddi fel Ficer, Gweinidog Cyswllt a Bugail Plant a Phobl Ifanc. Ro’n i’n gyfrifol am Weinidogaeth Plant a Phobl Ifanc New Wine England am 16 mlynedd. Rwyf wedi mwynhau gweinidogaethu dramor am nifer o flynyddoedd. Rwy’n mwynhau chwaraeon o bob math, ond yn chwarae sboncen yn bennaf erbyn hyn gan fy mod i’n rhy hen i chwarae rygbi ac rwy’n mwynhau bod ar fy mhadlfwrdd. Rwy’n briod â Rhian, Cymraes iaith gyntaf, ac mae gennym dri o blant, Nia, Owen ac Elliot, i gyd wedi’u geni ym Milton Keynes.