Parch Helen Rees

Cefais fy ngeni a’m magu yng Nghaerdydd. Ym 1999, graddiais gyda gradd Baglor mewn Diwinyddiaeth o Brifysgol Caerdydd. Oherwydd fy nghyfenw roeddwn i'n un o rai olaf yr wyddor ro’n i’n un o raddedigion olaf y ganrif ddiwethaf!

Ar ôl graddio bûm yn gweithio fel darlithydd diwinyddiaeth rhan-amser ym Mhrifysgol Caerdydd, Prifysgol Llanbedr Pont Steffan a Choleg y Drindod, Caerfyrddin, fel ag yr oedd ar y pryd. Yn ogystal â hyn, bûm yn gweithio fel marciwr allanol i Goleg Diwinyddol Spurgeon yn Llundain a darparu cyrsiau ar gyfer Cymdeithas Addysg y Gweithwyr.

Cefais fy ordeinio’n Ddiacon yn Eglwys Gadeiriol Llandaf ym Mehefin 2009. Yn ystod yr un mis derbyniais radd Meistr mewn Diwinyddiaeth o Brifysgol Caerdydd.

Fe’m ordeinwyd fel offeiriad yng Nghadeirlan Llandaf ym Mehefin 2010. Rwyf wedi gwasanaethu mewn nifer o blwyfi yn Esgobaeth Llandaf ac Esgoabeth Abertawe ac Aberhonddu. Yn ystod fy nghyfnod yn Esgobaeth Abertawe ac Aberhonddu roeddwn hefyd yn gaplan i Dim Rygbi Menwyod y Gweilch. Yn 2011 fe’m mhenodwyd yn GyfarwyddwrEsgobaethol ar gyfer Addysg yn Esgobaeth Abertawe ac Aberhonddu. Roedd hyn yn cynnwys gweithio gydag Ysgolion Eglwysig o fewn yr esgobaeth.

Yn fy amser hamdden rwy’n hoff o dreulio amser gyda fy nheulu gan gynnwys fy ngŵr Ian, llysferch Jessica, a fy mab yng nghyfraith Gary a fy wyrion Jack Ryan a Katie. Rwy’n hoff iawn o ddarllen a gwylio Formula 1.