Rhaglen Gweinidogaeth â Chyfrifoldebau Uwch (MER)
Trosolwg
Ydych chi'n glerig cyflogedig sy'n awyddus i ddatblygu eich gweinidogaeth, magu hyder, a dyfnhau eich ysbrydolrwydd?
Os felly, byddwch chi’n falch o glywed bod Athrofa Padarn Sant yn lansio rhaglen o 18 mis unigryw a chyffrous yn Hydref 2025.
Bydd ein Rhaglen MER newydd (Gweinidogaeth â Chyfrifoldebau Uwch) yn cynnig hyfforddiant a chefnogaeth benodol, ynghyd â mynediad at ystod eang o adnoddau a mentor personol. Ein nod yw gweld gweinidogion yn yr Eglwys yng Nghymru yn :
- tyfu yn fwy hyderus a chymwys o ran eu gweinidogaeth
- dyfnhau eu hysbrydolrwydd a'u hymdeimlad o bwrpas a galwad fel plentyn Duw
- ymdrin â heriau a chyfleoedd yn y weinidogaeth drwy ddarparu hyfforddiant a sgiliau ymarferol ar bynciau’n amrywio o reoli amser i reoli gwrthdaro
- rhannu eu taith a'u datblygiad fel gweinidog gan ddarparu cymorth parhaus iddynt drwy mentora personol a chymunedau dysgu lleol
Drwy gyfuniad o ddigwyddiadau preswyl, cymunedau dysgu bob deufis, cyfleoedd hyfforddi ar-lein misol, a mynediad at fentor personol, rydym yn cynnig cyfle i glerigion fyfyrio ar eu galwedigaeth, gwella eu sgiliau gweinidogaethol, a datblygu'n bersonol ac yn ysbrydol fel rhan o gymuned gefnogol sy’n rhoi anogaeth.
Beth mae’r rhaglen MER yn ei gynnwys?
Pryd mae'r rhaglen MER yn dechrau?
Mae'r rhaglen yn dechrau yn gynnar ym mis Tachwedd 2025, a bydd yn parhau tan dymor y Gwanwyn 2027.
Pwy all wneud cais?
- Clerigion cyflogedig sydd ar hyn o bryd yn gweithio mewn gweinidogaeth ac yn ysgwyddo cyfrifoldeb uwch yn yr Eglwys yng Nghymru, sy'n gweld hyn fel cyfle i ddatblygu a ffynnu yn eu swydd bresennol.
- Clerigion cyflogedig nad ydynt ar hyn o bryd mewn rôl arweinyddiaeth na rôl â chyfrifoldeb uwch, ond sy'n gweld y rhaglen hon fel ffordd o
baratoi ar gyfer rolau gyda mwy o gyfrifoldeb yn y dyfodol.
Sut i wneud cais
- Gwahoddir ceisiadau yn dilyn y Sesiwn Wybodaeth a gynhelir ar 30 Mehefin
- Bydd angen i'r rhai sydd â diddordeb yn y rhaglen lenwi ffurflen gais. Bydd angen ei dychwelyd atom erbyn dydd Gwener 18 Gorffennaf.
- Gwahoddir pob ymgeisydd i drafod ei gais gydag Arweinydd y Rhaglen ac i archwilio sut y gallai'r rhaglen gefnogi ei weinidogaeth nawr a/neu yn y dyfodol. Gall hyn fod wyneb yn wyneb neu ar-lein.
- Bydd pob ymgeisydd yn cael gwybod canlyniad ei gais erbyn 8 Medi fan bellaf.
- Disgwylir i'r rhai sy'n cael cynnig lle ar y rhaglen gadarnhau eu lle erbyn 15 Medi.
- Cynhelir y sesiwn breswyl gyntaf rhwng 3 a 5 Tachwedd yn Wrecsam.
Faint mae'n ei gostio?
Mae'r cwrs am ddim i glerigion yr Eglwys yng Nghymru
Ble alla i gael rhagor o wybodaeth?
Byddwn yn cynnal Sesiwn Wybodaeth ar-lein ddydd Llun 30 Mehefin a fydd yn gyfle i ddysgu llawer mwy am y rhaglen ac i ofyn cwestiynau allai fod gennych. Noder, nid ydych yn ymrwymo i wneud cais drwy fynychu'r Sesiwn Wybodaeth.
Os na allwch ddod i'r Sesiwn Wybodaeth ddydd Llun 30 Mehefin, bydd yn cael ei recordio a bydd ar gael i’w gwylio.
Gallwch fwcio eich lle ar y sesiwn wybodaeth drwy ddefnyddio'r botwm isod.