MA Cyfraith Eglwysig | Yr Eglwys yng Nghymru

Trosolwg o'r rhaglen

Hyd: 3 blynedd

Blynyddoedd 1-2: modiwlau a addysgir
Blwyddyn 3: mewnbwn ychwanegol ac ysgrifennu traethawd hir

Patrwm astudio: Tri bloc preswyl dwys y flwyddyn, yn rhedeg o ddydd Llun i ddydd Mercher gyda chyfanswm o 9 diwrnod ar y safle y flwyddyn. Cynhelir addysgu preswyl yn Ysgol Padarn Sant yng Nghaerdydd.

Ynglŷn â'r rhaglen

Dilysir y cwrs gan Brifysgol Durham drwy'r bartneriaeth Dyfarniadau Cyffredin.( Common Awards) Dyma'r unig rhaglen Cyfraith Eglwysig ôl-raddedig â ffocws Anglicanaidd a gynigir unrhyw le yn y byd. Mae’r rhaglen yn addas ar gyfer clerigwyion, cyfreithwyr, gweinyddwyr eglwysi ac eraill sy’n dymuno datblygu eu gweinidogaeth neu ymarfer proffesiynol ym maes cyfraith ganonaidd, neu ddyfnhau eu dealltwriaeth o’r ffordd y mae cymunedau’r eglwys yn cael eu rheoleiddio. Er mai prif ffocws yr addysgu yw’r gyfraith ganonaidd Anglicanaidd, darperir hyn ochr yn ochr ag elfen gymharol, ac anogir myfyrwyr sy’n dymuno ysgrifennu am gyfraith eglwysi yn eu traethodau a’u traethawd hir a asesir i wneud hynny.

Rydym yn rhan o Athrofa Padarn Sant, cangen hyfforddi’r Eglwys yng Nghymru. O dan y datganiad ‘ffurfiant mewn cymuned ar gyfer cenhadaeth’, mae Athrofa Padarn Sant yn rhoi’r gallu a’r grym i bobl Dduw ledled y byd i gyfathrebu cariad trawsffurfiol Duw. Mae Athrofa Padarn Sant fel safle wedi addysgu’r gyfraith ganonaidd am dros dri degawd, a bellach gall gynnig cyfraith ganonaidd fel arbenigedd mewnol. Rydym yn croesawu myfyrwyr o unrhyw ffydd neu gred, neu’r rhai nad os ganddynt ffydd neu gred.

Sut mae'r rhaglen yn cael ei chyflwyno

Cyflwynir ein cyfnodau preswyl wyneb yn wyneb. Mae yna fanteision ffurfiannol pendant i ddysgu wyneb yn wyneb a chyfnodau preswyl. Rydym wedi gweld o brofiad, budd y sgyrsiau mae ein myfyrwyr yn ei gael gyda’i gilydd mewn darlithoedd ac yn ystod prydiau bwyd ac yn ystod gweithgareddau cymdeithasol. Mae’r dysgu sy’n digwydd yn ystod cyfnodau preswyl a thu allan i ddarlithoedd yn rhan hanfodol o ddysgu ym Mhadarn Sant.

Dyddiadau preswyl 2026/27

Mae tri bloc preswyl dwys y flwyddyn.

Maent yn rhedeg o ddydd Llun i ddydd Mercher gyda 9 diwrnod ar y safle y flwyddyn i gyd.

Cynhelir addysgu preswyl yn Ysgol Padarn Sant yng Nghaerdydd.

2026

12-14 Hydref 2026

2027

1-3 Chwefror 2027
5-7 Ebrill 2027

Deilliannau Dysgu

Mae ein deilliannau dysgu ar gyfer bob modiwl yn dibynnu ar gyfuniad o ddarlithoedd, seminarau (wedi selio ar drafodaeth), ymgysylltu â thiwtoriaid a thrafodaethau gyda myfyrwyr a darlithwyr. Mae’r rhyngweithiad hynny rhwng tiwtoriaid a myfyrwyr yn amhrisiadwy ac yn chwarae rôl mewn helpu chi i archwilio pwnc, gan herio a datblygu eich meddwl a dyfnha eich dealltwriaeth. Dyma pryd mae ffurfiant yn digwydd, a dyma pam rydyn ni’n dysgu wyneb yn wyneb. Ein nod yw i grefftio profiad, yn hytrach na chyflwyno set o ddarlithoedd yn unig, er ein yn seilio hyn ar strwythur cadarn.

Y Modiwlau fyddwch yn eu hastudio

Blwyddyn 1 - Tystysgrif Ôl-raddedig	Blwyddyn 2 - Diploma	Blwyddyn 3 - Gradd
Ymchwil a Myfyrio: Adnoddau a Dulliau	Cyfraith Athrawiaeth a Litwrgi	Teitl y Traethawd Hir i'w gytuno gyda'r Goruchwyliwr
Cyfraith Llywodraethu Eglwysig	Cyfraith y Defodau a'r Sacramentau
Cyfraith y Perthynas rhwng yr Eglwys a'r Wladwriaeth	Cyfraith y Weinidogaeth

Gofynion mynediad

Y maen prawf mynediad arferol yw gradd 2:1 yn diwinyddiaeth, neu bwnc cysylltiedig, neu radd 2:2 gyda phrofiad proffesiynol sylweddol.

Os nad ydych yn bodloni’r meini prawf hyn, cysylltwch â ni i drafod yr opsiynau sydd ar gael i chi. Cysylltwch â ni i gael ffurflen gais.

Ffioedd dysgu

Tuition fees for 2026/27 are as follows:

Cymhwyster	Blwyddyn Un	Blwyddyn Dau	Blwyddyn Tri
Tystysgrif Ôl-raddedig	£4225	Dim yn berthnasol	Dim yn berthnasol
Diploma	£4225	£4225	Dim yn berthnasol
Meistri	£4225	£4225	£1208

Llety

Mae llety en-suite ar gael ar y safle am gost o £180 y llety preswyl, bwrdd llawn. Gall myfyrwyr fod yn gymwys i gael benthyciadau/grantiau ôl-raddedig drwy Gyllid Myfyrwyr. I gael gwybod, cysylltwch â Chyllid Myfyrwyr ar gyfer y wlad lle rydych chi fel arfer yn byw:

Myfyrwyr Saesneg: https://www.gov.uk/apply-online-for-student-finance
Myfyrwyr Cymru: https://www.studentfinancewales.co.uk/
Myfyrwyr yr Alban: https://www.saas.gov.uk/
Myfyrwyr Gogledd Iwerddon: https://www.studentfinanceni.co.uk/

Y Broses Ymgeisio

Rydym yn croesawu ceisiadau drwy gydol y flwyddyn ond i ddechrau eich astudiaethau mewn unrhyw flwyddyn benodol.

Y dyddiad cau ar gyfer ceisiadau yw diwedd mis Gorffennaf.

Mwy o wybodaeth am Astudiaethau Ôl-raddedig yn Padarn Sant

Ceisiadau gan Fyfyrwyr Tramor

Nid oes gan Padarn Sant drwydded Haen 4 sy'n ein galluogi i noddi myfyrwyr o dramor i symud i'r DU i astudio. Fodd bynnag, gan mai dim ond 3 phreswylfa fer y flwyddyn yw addysgu wyneb yn wyneb ar raglenni MA, os yw myfyrwyr o'r tu allan i'r DU yn gallu mynychu'r rhain ar fisa ymwelydd, byddant yn cael eu hystyried ar gyfer mynediad i'r rhaglenni MA. Mae myfyrwyr tramor yn golygu mwy o waith gweinyddu i Padarn Sant, felly mae tâl ychwanegol o £500 y flwyddyn i unrhyw fyfyriwr heb hawl i aros yn y DU.

Gwneud cais nawr

Gallwch ddefnyddio ein ffurflen gais ar-lein i wneud cais am un o'n rhaglenni.

Os oes gennych unrhyw gwestiynau ynglŷn â gwneud cais am raglen benodol neu os hoffech i ni gysylltu â chi cyn dechrau llenwi'r ffurflen, rhowch wybod i ni drwy e-bostio: info@stpadarns.ac.uk

Gwneud cais nawr