Dechrau eich hyfforddiant ar gyfer y Weinidogaeth Drwyddedig

Fel arfer bydd y penderfyniad yn cael ei gwneud rhwng eich esgob, swyddog gweinidogaeth, ac mewn ymgynghoriad â ni ym Mhadarn Sant. I lywio’r penderfyniadau hyn mae bainc yr esgobion wedi cytuno i’r canllawiau isod ar gyfer hyfforddiant ar gyfer ordeiniad:

I’r rhai hynny sy’n dechrau gweinidogaeth llawn amser:

• Y disgwyliad yw 3 blynedd o hyfforddiant llawn amser i bawb sy’’n hyfforddi ar gyfer gweinidogaeth gyflogedig
• Os oes gan ymgeisydd brofiad sylweddol o’r Weinidogaeth Leyg Drwyddedig, byddai’n addas i ystyried 2 flynedd o hyfforddiant.
• Os oes gan ymgeisydd brofiad bywyd sylweddol a sgiliau trosglwyddadwy, mae’n bosib byddai 2 flynedd yn addas. Byddai hwn yn cael ei gynllunio yn gan ddefnyddio meini prawf blaenoriaethau'r esgobion
• Os oes gan ymgeisydd gymwysterau diwinyddol yn barod ( megis Tystysgrif Addysg Uwch, Diploma Addysg Uwch neu radd israddedig neu ôl-radd) mae’n bosib y byddai modd ystyried dwy flynedd o hyfforddiant.
• Mae’n bosib y bydd ymgeiswyr sydd â gradd neu uwch mewn diwinyddiaeth barod, ac yn benodol, os oes ganddynt y potensial i addysgu diwinyddiaeth, eu hannog i gwblhau gradd MA neu radd ymchwil.
• Dylai'r rheiny sy’n dechrau gweinidogaeth ordeiniedig llawn amser fod wedi cwblhau o leiaf diploma mewn diwinyddiaeth erbyn diwedd eu hyfforddiant.
• Mewn eithriadau prin gallwn ddatblygu hyfforddiant diwinyddol wedi ei deilwra ochr yn ochr â agweddu eraill o ffurfiant, serch hyn mae’n well gennym ymgeiswyr yn gweithio tuag at gymhwyster os yw hynny’n bosibl.
• Dwy flynedd o hyfforddiant yw’r isafswm rydym ni’n argymell ar gyfer gweinidogaeth llawn amser, heblaw mewn amgylchiadau anarferol megis gweinidog ordeiniedig o enwad arall yn dechrau gweinidogaeth yn yr Eglwys yng Nghymru, neu am resymau eraill megis oed neu brofiad sylweddol

I’r rhai hynny sy’n dechrau gweinidogaeth ran-amser / gweinidogaeth

digyflog ordeiniedig

• Bydd y rheiny sy’n dechrau gweinidogaeth ran-amser / gweinidogaeth ddigyflog ordeiniedig fel arfer yn hyfforddi’n rhan amser.
• 3 blynedd yn rhan-amser sy’n arferol (am y rheswm hwn rydym yn annog ymgeiswyr posib i weinidogaeth ran-amser i ddechrau astudio Diwinyddiaeth ar gyfer Bywyd am flwyddyn yn ystod y broses dirnad fel eu bod yn gallu cwblhau eu diploma mewn diwinyddiaeth yn ystod eu tair blynedd o hyfforddiant)
• Bydd y rheiny na fydd yn medru ennill diploma erbyn diwedd eu hyfforddiant yn golygu trafodaethau ymhellach.
• Os oes gan ymgeisydd brofiad sylweddol o’r Weinidogaeth Leyg Drwyddedig gall fod 2 flynedd o hyfforddiant yn addas.
• Os yw ymgeisydd â gradd diwinyddiaeth neu mewn rhai amgylchiadau ddiploma, gall 2 flynedd o hyfforddiant fod yn addas.
• Mewn eithriadau prin gallwn ddatblygu hyfforddiant diwinyddol wedi ei deilwra ynghyd ag agweddau eraill ffurfiant, serch hyn y disgwyliad ar gyfer y rhan helaeth byddai eu bod yn gweithio tuag at gymhwyster diwinyddol.

Mae hyfforddiant rhan amser yn golygu tua 15 awr yr wythnos. Bydd hwn yn cynnwys lleoliad, dysgu diwinyddol, cyfnodau preswyl a chelloedd ffurfiannol. Mae’n bwysig eich bod yn ystyried yn ofalus iawn os fydd yr ymrwymiad amser hwn yn gweithio i chi cyn i chi ddechrau’r broses dirnadaeth a hyfforddiant. Byddwn yn gweithio gyda chi er mwyn helpu chi i flaenoriaethu eich amser os ydych yn cael eich noddi ar gyfer hyfforddiant gan eich esgob. Bydd angen i chi hefyd ystyried a fyddwch yn rhoi o’ch amser i gyfnod preswyl wythnos ynghyd â thri chyfnod preswyl dros y penwythnos y flwyddyn. Mae hyfforddi i’r weinidogaeth yn ymrwymiad pwysig i’w gwneud, ac rydyn ni’n hapus i drafod gyda chi beth fydd disgwyliadau hyfforddi.

Bydd pob ymgeisydd â thiwtor ei hun fydd yn gweithio gyda nhw ar ei ffurfiant mewn cyfarfodydd rheolaidd. Mae yna hefyd cymorth i’r rhai hynny â anghenion dysgu ac mae’r tiwtoriaid i gyd yn hawdd fynd ato, cyfeillgar ac yn barod i helpu. Mae staff ehangach yr athrofa hefyd yn hapus i helpu gyda pob math o ymholiadau a chwestiynau cyllid ac i helpuy chi gyd cael mynediad i’r llyfrgell ac adnoddau eraill.

Os ydych yn newydd i astudio diwinyddiaeth, cadwch olwg allan am ein cyrsiau blasu caiff ei hysbysebu yn y gaeaf a chael eu cynnal yn y Gwanwyn. Bob blwyddyn rydym ni’n cynnal diwrnodau a nosweithiau agored a gwnewch yn siŵr eich bod yn bwcio un o rain. Bydd y rhain i gyd yn cael eu hysbysebu ar ein cyfryngau cymdeithasol ac felly byddem yn argymell i chi ddilyn ni. Rydyn ni hefyd yn danfon gwybodaeth allan i’r esgobaethau ac i Gyfarwyddwyr Esgobaethol a chyfrifoldeb dros Ymgeiswyr. Darllenwch y wybodaeth i gyd yn ofalus i ymgyfarwyddo â’r cwrs. Pob gaeaf rydym ni hefyd yn cynhyrchu ac yn lanlwytho pamffled Llongyfarchiadau: Rydych chi wedi eich derbyn i hyfforddi yn Athrofa Padarn Sant! Mae yna wybodaeth ddefnyddiol yma gan gynnwys dyddiadau yn y flwyddyn i ddod.

Yn dilyn rownd olaf y paneli dirnad, mae’r Cyfarwyddwr Esgobaethol a chyfrifoldeb dros Ymgeiswyr (DDO) yn danfon enwau'r unigolion sydd wedi eu derbyn i hyfforddi. Bydd tiwtor wedyn yn cysylltu â chi i gael sgwrs am eich hyfforddiant. Nid oes angen i chi gysylltu â ni fyddwn ni yn cysylltu â chi. Darllenwch y wybodaeth ar y wefan yn ofalus cyn y sgwrs honno a meddwl am unrhyw gwestiynau hoffech ei ofyn. Wedi dweud hynny os oes gennych ymholiad neu bryder penodol mae croeso i chi gysylltu â ni yn uniongyrchol.

Ar y dudalen hon y byddwch hefyd yn dod o hyd i’r llawlyfrau cyfredol