Adolygiad Datblygiad i Weinidogion (MDR) ar gyfer Archddiaconiaid

Bydd yr Adolygiad Datblygiad i Weinidogion (MDR) yn hwyluso trafodaeth dan arweiniad sy'n ymwneud â gweinidogaeth yr archddiacon. Pwrpas yr adolygiad yw edrych yn ôl a myfyrio ar yr hyn sydd wedi digwydd dros y 12-18 mis diwethaf o weinidogaeth ac, wedi'i lywio gan hynny, cynllunio, rhagweld a datblygu gweledigaeth gliriach ar gyfer yr hyn sydd o'n blaenau. Wrth edrych yn ôl mae cyfle i gydnabod popeth sydd i fod yn ddiolchgar amdano ac unrhyw beth sy'n destun galar. Wrth edrych ymlaen mae cyfle i ragweld gofynion newidiol y rôl, nodi amcanion y dyfodol, a sefydlu meysydd ar gyfer datblygiad posibl.

Mae MDR wedi'i seilio ar y dybiaeth bod pob gweinidog yn gyfrifol i Dduw am y weinidogaeth a ymddiriedwyd iddynt a'u bod yn atebol i'r Eglwys ac i'w gilydd am y ffordd y caiff ei harfer. Mae atebolrwydd yn cynnwys parodrwydd i dyfu a datblygu ar sail profiad a'r dysgu a geir ohono. Mae'n ymwneud â chadarnhad ac anogaeth, yn ogystal â her, ac mae'n cynnwys cytundeb ar gyfer cynllun ar gyfer twf a datblygiad gweinidogaethol personol.

Mae’r MDR yn ceisio annog gweinidogion i ailystyried yr addewidion a wnaed adeg eu hordeinio i “fod yn ddiwyd mewn gweddi, i astudio’r Ysgrythurau Sanctaidd, ac i’ch paratoi eich hun ar gyfer gweinidogaeth yn yr Eglwys” ac i fyfyrio ar berthnasedd yr addewidion hyn yn eu harfer a’u cyd-destun gweinidogaethol presennol. Fe’i cynhelir o leiaf bob deunaw mis ac mae wedi’i gynllunio i annog:

• proses barhaus o fyfyrio a dysgu yn seiliedig ar gefnogaeth, craffu, cadarnhad ac atebolrwydd
• diwylliant o ddysgu gydol oes a datblygiad gweinidogaethol
• myfyrio ar arfer gweinidogaethol
• gosod amcanion heriol, ond cyraeddadwy

Os oes gennych unrhyw gwestiynau am y manylion isod, cysylltwch â'r Parchedig Ganon Ddr Trystan Owain Hughes, Cyfarwyddwr Datblygu Gweinidogaeth

Mae llyfryn MDR ar gyfer Archddiaconiaid yn esbonio'r broses yn glir ac yn rhoi canllaw cam wrth gam i'r broses. Darllenwch y llyfryn yn ofalus – Llyfryn ar gyfer Archddiaconiaid

Y ffurflenni sy'n angenrheidiol ar gyfer yr MDR yw:

Mae ffurflen ar gyfer dewis adolygydd (atodiad 1 yn y llyfryn) i'w gweld isod:

Atodiad 1 - Ffurflen ar gyfer dewis adolygydd - MDR ar gyfer Archddiaconiaid

Mae Ffurflen MDR ar gyfer Archddiaconiaid (atodiad 2 yn y llyfryn) i'w gweld isod:

Atodiad 2 - Ffurflen MDR ar gyfer Archddiaconiaid