Ffurfiant ar gyfer y Weinidogaeth Drwyddedig

Yn fyr, byddwch! Mae gennym ni brofiad o bob math o bobl yn dechrau hyfforddi ar gyfer y weinidogaeth, hyd yn oed rhai sydd wedi ymadael â’r ysgol ddegawdau yn ôl a hynny heb gymwysterau. Y cyfan y mae arnoch ei angen yw parodrwydd i ddysgu. Byddwn yn eich cefnogi bob cam o'r ffordd, ac mae gennym hefyd gymorth gydag anghenion dysgu os bydd arnoch ei angen, gan diwtor dynodedig.

Mae hyfforddiant rhan-amser yn cymryd tua 15 awr yr wythnos. Mae hyn yn cynnwys lleoliad, dysgu diwinyddol, cyfnodau preswyl a chelloedd ffurfiannol. Mae'n bwysig iawn eich bod yn ystyried yn ofalus iawn a ydych yn gallu gwneud y math hwn o ymrwymiad amser cyn cychwyn y broses dirnad a hyfforddi. Er hynny, byddwn yn cydweithio gyda chi i'ch helpu i flaenoriaethu’ch amser os cewch eich noddi i hyfforddi gan eich esgob. Bydd angen ichi ystyried hefyd a ydych chi’n gallu neilltuo'r amser ar gyfer cyfnod preswyl am wythnos a thri phenwythnos preswyl y flwyddyn. Mae hyfforddi ar gyfer y weinidogaeth yn ymrwymiad pwysig i'w wneud, ac rydyn ni bob amser yn fodlon trafod gyda chi beth mae'r hyfforddiant yn ei olygu.

Bydd gan yr holl ymgeiswyr eu tiwtor eu hunain a fydd yn gweithio gyda nhw ar eu ffurfiant mewn cyfarfodydd rheolaidd. Mae yna gefnogaeth hefyd i'r rhai sydd ag anghenion dysgu, ac mae pob un o'r tiwtoriaid yn gyfeillgar, yn hawdd mynd atynt ac yn hapus iawn i helpu. Mae'r tîm ehangach yn Athrofa Padarn Sant hefyd yn hapus iawn i helpu gyda phob math o ymholiadau ymarferol, o gwestiynau ariannol i help i gael mynediad i'n llyfrgell a’n hadnoddau eraill.

Ein cyfrifoldeb ni yw eich helpu chi i ffynnu fel gweinidog lleyg neu ordeiniedig a gwasanaethu pobl Duw hyd eithaf eich gallu ac i dyfu fel y person y mae Duw yn eich galw i fod. Mae yna bob amser rywbeth newydd y gallwn ei ddysgu. A dweud y gwir, yn Athrofa Padarn Sant, rydym yn gweld dysgu gydol oes fel rhan arferol o ddisgyblaeth. O dan rai amgylchiadau, gallwn ddatblygu rhaglenni pwrpasol i’r rhai sydd â set unigryw o brofiadau. Mae llawer o'n hymgeiswyr wedi cael hyfforddiant eisoes gyda ni ar gyfer gweinidogaethau lleyg ac yn hyfforddi ar gyfer y weinidogaeth ordeiniedig. O dan yr amgylchiadau hynny byddwn yn eich helpu i ddatblygu ymhellach ac adeiladu ar yr hyfforddiant rydych eisoes wedi'i gael. Er hynny, mae bod yn agored i ddysgu, a pharhau i dyfu a datblygu mewn ffydd yn hollbwysig yn y weinidogaeth.

Os ydych yn newydd i astudio diwinyddiaeth, cadwch lygaid allan am ein cyrsiau blasu sy’n cael eu hysbysebu yn y Gaeaf ac yn cael eu cynnal yn y Gwanwyn. Bob blwyddyn rydym yn cynnal diwrnodau a nosweithiau agored yn y Gwanwyn felly bwciwch le ar rain. Bydd y rhain oll yn cael eu hysbysebu ar y cyfryngau cymdeithasol ac felly rydym yn argymell eich bod chi neu ffrindiau yn eich dilyn ni. Rydym hefyd yn danfon y wybodaeth at Gyfarwyddwr Esgobaethol ar gyfer Ymgeiswyr ( DDO’s). Darllenwch yr holl wybodaeth yn ofalus ac ymgyfarwyddo eich hunain â’r cwrs. Pob gaeaf rydym ni hefyd yn cynhyrchu ac uwch lwytho pamffled Help! Rwy wedi cael fy nerbyn ar gyfer hyfforddiant. Mae yna wybodaeth defnyddiol yno a hefyd dyddiadau pwysig ar gyfer y flwyddyn i ddod. Mae hefyd gennym ‘Paratoi ar gyfer Athrofa Padarn Sant’ ar-lein yn yr adran hon.

Yn dilyn bob rownd o baneli dirnad, bydd y DDO’s yn danfon enwau atom o’r rheiny sydd wedi eu derbyn ar gyfer hyfforddi. Bydd tiwtor yn cysylltu â chi am yr hyfforddiant. Does dim angen i chi gysylltu a ni o gwbl. Darllenwch y wybodaeth ar y wefan yn ofalus cyn y sgwrs a meddwl am cwestiynau yr hoffech ei ofyn.